ଶାନ୍ତି, ପ୍ରେମ, ଭଲପାଇବା ଏବଂ ଆସ୍ଥା ଆଉ ଧର୍ମ କୁ ପାଥେୟ କରି ଗତ ୧୧/୦୪/୨୦୨୫ତାରିଖ ଠାରୁ ୧୪/୦୪/୨୦୨୫ ତାରିଖ ସୋମବାର ପର୍ଯ୍ୟନ୍ତ ଚାରିଦିନ ବ୍ୟାପି ସଙ୍କଟମୋଚନ ହନୁମାନ ଓ ମା ନାରାୟଣୀ ଙ୍କ ପୀଠରେ ଦ୍ଵାଦଶ ବାର୍ଷିକ ବିଶ୍ଵର ମଙ୍ଗଳ ପାଈଁ ବିଶ୍ଵଶାନ୍ତି ମହାଯଜ୍ଞ କେନ୍ଦ୍ରାପଡ଼ା ଜିଲା ମହାକାଳପଡ଼ା ସ୍ଥିତ ଗୋପାଳପୁର ଗ୍ରାମରେ ଯଥା ବିଧି ଅନୁଷ୍ଠିତ ହୋଇଯାଇଛି ।
କିନ୍ତୁ କିଛି ନିଆରା ବାସ୍ନା ମହକୁ ଥିଲା ଏହି ଚାରିଦିନର ଭବ୍ୟ
କାର୍ଯ୍ୟକ୍ରମରେ ଗ୍ରାମର ୧୦୮ ମହିଳାଙ୍କ କଳସ ଯାତ୍ରା, ଯୁବପୀଢ଼ିଙ୍କର D J ର ତାଳେ ତାଳେ ଜୟ ଶ୍ରୀରାମ ଧ୍ଵନି ସାଙ୍ଗକୁ ବୁଜୂର୍ଗ, ମୂରବୀ ମାନଙ୍କ ଦ୍ଵାରା ନାମ ସଙ୍କୀର୍ତ୍ତନ ରେ ଫାଟି ପଡୁଥିଲା ସାରା ଅଞ୍ଚଳ ।
ଚାରିଦିନ ବ୍ୟାପୀ ଘୃତାହୁତି ଅନ୍ନଛତ୍ର , ପ୍ରବଚକ ଅରୁଣ ପଣ୍ଡାଙ୍କ ଦ୍ଵାରା ସୁନ୍ଦରା କାଣ୍ଡ ପାରାୟଣ ନାମ ଯଜ୍ଞ ପୁରା ଗ୍ରାମକୁ ଶାନ୍ତି ମୈତ୍ରୀର ବାର୍ତ୍ତା ଦେଇଥିଲା।
ପରେ ପରେ ଗୁରୁ ଶିଷ୍ୟ ଙ୍କ ଐତିହ୍ୟ ପରମ୍ପରାକୁ ମନେ ପକାଇଥିଲେ ଗ୍ରାମବାସୀବୃନ୍ଦ।
ଗୋପାଳପୁର ଗ୍ରାମର ଅନେକ ମଣିଷ ନିଜେ ହାତରେ ତିଆରି
କରିଥିବା ଅବସରପ୍ରାପ୍ତ ଶିକ୍ଷକ ଶ୍ରୀଯୁକ୍ତ ନିତ୍ୟାନନ୍ଦ ସ୍ୱାଇଁ ଏବଂ
ଅରକ୍ଷିତ ପ୍ରତିହାରୀଙ୍କ ପାଦ ପଦ୍ମରେ ପୁଷ୍ପ ଚନ୍ଦନ ରଖି ଗୁରୁ ପ୍ରେମର ଉଦାହରଣ ସାଜିଥିଲେ ସମସ୍ତ ଗ୍ରାମବାସୀବୃନ୍ଦ।
ଏତିକି ରେ ଖୁସିର ଲହରି ଥମି ନଥିଲା ପରଦିନ ସନ୍ଧ୍ୟାରେ ଓଡିଶା ର ସୁନାମଧନ୍ୟା କଣ୍ଠଶିଳ୍ପୀ ଦୀପ୍ତିରେଖା ପାଢ଼ୀଙ୍କ ଦ୍ଵାରା ସୁନ୍ଦର ଭଜନ
ପରିବେଷଣ ଦେଖିବାକୁ ମିଳିଥିଲା,ପରଦିନ ମଧ୍ୟାହ୍ନ ରେ
ମହାକାଳପଡାର ଯୁବ ବିଧାୟକ ଡ଼ଃ . ଦୁର୍ଗାପ୍ରସନ୍ନ ନାୟକଙ୍କ
ଉପସ୍ଥିତି କାର୍ଯ୍ୟକ୍ରମ ଟିକୁ ଶୋଭାମଣ୍ଡିତ କରିଥିବା ବେଳେ ଗ୍ରାମର
ସଭାପତି ଶ୍ରୀଯୁକ୍ତ ସଚିଦାନନ୍ଦ ପାଇକରାୟ ଙ୍କ ସୁଦୃଢ ମୁରବିତ୍ତ୍ୱ ଏବଂ ଗ୍ରାମର ଆଗଧାଡିର ମୂରବୀ ମାନଙ୍କ ଯଥା:- ପ୍ରଫେସର ରବୀନ୍ଦ୍ର ପାଇକରାୟ,ପ୍ରତାପ ରୁଦ୍ର ପାଇକରାୟ, ସୁବାସ ଚନ୍ଦ୍ର ରାଉତରାୟ, ଦୁଷ୍ମନ୍ତ ପାଇକରାୟ, ସୁଧାଂଶୁ ଦାସ, ପ୍ରଶାନ୍ତ ପାଇକରାୟ,ପଦ୍ମଚରଣ ପାଇକରାୟ, ତପନ ସ୍ୱାଇଁ ଙ୍କ ଭଳି ସୃଦୃଢ଼ କାର୍ଯ୍ୟକର୍ତ୍ତା ଏବଂ ସମସ୍ତ ଗ୍ରାମବାସୀ, ଯୁବ ପିଢିଙ୍କ ସହଯୋଗରେ ଉକ୍ତ ଭବ୍ୟ କାର୍ଯ୍ୟକ୍ରମଟି
ଉଦଯାପିତ ହୋଇଥିଲା।
ଏହି ଭଳି ଉକ୍ତ ଭବ୍ୟ କାର୍ଯ୍ୟକ୍ରମ ପାଇଁ ସାଧୁବାଦ୍।
ମତାମତ: